Draumur rætist

Nú er það byrjað. Það sem ég vonaði hefur ræst. Ákalli mínu hefur verið svarað. Bænir mínar hafa heyrst hjá landbúnaðarguðinum. Draumur minn hefur verið uppfylltur. ÉG NÆ MANGÓ TÍMABILINU áður en ég fer. 

En nú bætist enn eitt í viðbót á listann yfir það sem ég á eftir að sakna hérna. : (

Listinn minn er eitthvað á þessa leið:

• Veðrið, sólin og atlantshafsgolan, og að geta setið úti án þess að vera kalt
  
• Vinir mínir sem ég hef eignast hérna
  
• Samstarfsfólkið mitt, yndislegar manneskjur
  
• Brosandi börnin sem kalla "branco branco" þegar þau sjá mig, hlæja og skríkja
  
• Cyper Cafe, barinn sem ég fer alltaf á
  
• Ferskir ávextir, mangóið sérstaklega
• Yndislegt viðmót fólksins
  
• Afslappelsið á öllu hérna og almenn tilvera

Það er þó líka margt sem ég á ekki eftir að sakna, s.s.:

• Lyktin af brennandi rusli
  
• Opin skolpræsi
  
• Að skilja ekki tungumálið
  
• Hvíta helvítis baguette brauðið
  
• Lyktin af moskító spreyinu (... sem minnir mig á það)
  
• Hæg þjónusta á veitingastöðum
  
• Vatns- og rafmagnsleysið (Ég tek það þó fram að mér er farið að finnast ljósastauraleysið frekar sjarmerandi faktor í Bissá. Maður sér stjörnurnar).
  
• Skordýr, mýs, rottur og allt það

Staðan er 8/8, en ég verð að segja að veðrið er alveg nokkur stig.